Erste Begegnung

Wol mich der stunde, daz ich sie erkande, diu mir den lip und den muot hat betwungen, sit deich die sinne so gar an sie wande, der si mich hat mir ir güete verdrungen. Daz ich von ir gescheiden niht enkan: daz hat ir schoene und ir güete gemachet und ir roter munt, der so lieplichen lachet. Ich han den muot und die sinne gewendet an die vil reinen, die lieben die guoten. Daz müez uns beiden wol werden volendet, swes ich getar an ir hulde gemuoten. Swaz ich zer werlde fröiden ie gewan: daz hat ir schoene und ir güete gemachet und ir roter munt, der so lieplichen lachet.